करलिम कल्याण कोषले सबै भन्दा पहिलो प्राथमिकतामा परेका योजना अनुरुप नेपाल अधिराज्यका विभिन्न स्थानहरुबाट आर्थिक विपन्नतामा हुर्किन बाध्य भएका सहाराविहिन बालबालिकाहरु संकलन गरि तिनिहरुको खानपिन र आवासको व्यवस्था सहित शिक्षा प्रदान गर्नको लागि आवासिय भवन तयार गरेको छ (भाडामा) र यो आवायिय भवनमा हाल ४० जना ५ बर्ष देखि १५ बर्ष सम्मका गरिव र अभिभावक विहिन बालबालिकाहरुले आवसिय शिक्षा लिई रहेका छन् । उनिहरु औपचारिक शिक्षाको लागि आवस नजिकै रहेको कलिम आधारभुत विद्यालमा विभिन्न कक्षामा अध्यापन गराइएको छ । हाल आवसमा रहि “करलिम कल्याण कोष” बाट संरक्षित रहि अध्यन गर्ने बालबालिकाहरुको विवरण निम्न प्रकार रहेको छ ।
“करलिम कल्याण कोष” ले समुदाय र विद्यालय दुवैलाई बल पुग्ने खालको रणनिति अपनायो । उक्त रणनिति अनुसार नेपालका विकट र पिछडिएका बाजुरा, बझाँङ, अछाम र डोटी जस्ता दुर्गम जिल्लाहरुमा गई असहाय र अभिभावक विहिन, विपन्न वर्गका बालबालिकाहस्को खोजी संकलन गर्न थाल्यो। खाना पाउने, औषधीमुलो पाउँने र शिक्षाको लागि विद्यालय जान पाउने आफ्नो बालअधिकारहरुबाट वंचित भएका ४० जना बालबालिकाहरुलाई प्रथम अभियान स्वरुप करलिम ल्यायो र राज्यले गर्नु पर्ने उनिहरुको सम्पूर्ण व्यवस्थाको जिम्मा “करलिम कल्याण कोष” ले लियो । करलिम आवसको व्यवस्था गरि उनिहरुलाई खानपिन र बसोबासको व्यवस्था मिलायो र औपचारिक शिक्षाको लागि “करलिम विद्यालय” मा विभिन्न कक्षामा भर्ना गरिदियो । उनिहरुलाई साँझ बिहान रेखदेख र पढाइमा सहयोग गर्नको लागि अलग्गै शिक्षकहरुको व्यवस्था गरियो । करलिम कल्याण कोषको यो अभियानले करलिम विद्यालयमा विद्यार्थीको संख्या वृद्धि भयो भने अर्को तिर समुदायमा समेत परोपकारी भावना विकास भयो । परोपकारी मनहरुको सानो तिनो सहयोगबाट जुटेको न्युन रकमले “करलिम कल्याण कोष” ले ४० जना बालबालिहरुको खानपिन, शिक्षा, स्वास्थ्य र दैनिकीलाई ध्यान पुयाउँदै आएको छ र हाल सम्मको अवस्था येनकृन अगाडी बढिरहेको छ । असहाय बालबालिकाहरुको अनुहारबाट बाटो लागिसकेको हर्ष र उमंग फर्काउनको लागि संस्थाले जुन हिम्मत गरिरहेको छ र आनो उदेश्य अनुरुपको सेवात्मक कार्य पूर्तिको लागि कुनै पनि पक्षमा पछि नहट्ने संस्थाको अडान छ । “आजका बालबालिका नै भोलिका समाजका अगुवा हुन’ भन्ने विश्वव्इापी सिद्धान्तका आधारमा बालबालिकाको हेरचाह गर्नु, संरक्षण दिनु र उचित शिक्षा र स्वास्थ्य सेवा उपलब्धीको लागि समुचित व्यवस्था मिलाउनु हाम्रो मानविय कर्तब्य हो ।